Урад Беларускай Народнай Рэспублікі карыстаўся бел-чырвона-белым сцягам як дзяржаўным яшчэ да фармальнага зацверджання сімволікі БНР. А адбылося гэта 5 жніўня 1918 году.
Таксама 7 снежня 1917 году ў Менску пад бел-чырвона-белымі сцягамі распачаў сваю працу Першы Усебеларускі з’езд.
У тыя часы існавалі і іншыя праекты дзяржаўнага сцягу, а таксама варыяцыі на базе бела-чырвона-белага.
На фотаздымку з Беларускай канферэнцыі 1918 году ў Вільні відаць, што выкарыстоўваліся сцягі БНР з чорнымі палоскамі ўздоўж чырвонай паласы.
У 1920 годзе бел-чырвона-белым сцяг выкарыстоўвала кіраўніцтва Слуцкага паўстання і вайсковыя аддзелы генерал-лейтэнанта Булак-Балаховіча.
Аляксандр Лукашэнка прымаў сваю першую прысягу ў якасці кіраўніка краіны пад бел-чырвона-белым сцягам. Б-Ч-Б быў дзяржаўным сцягам Рэспублікі Беларусь з 1991-га да 1995 года.
ЮВ belsat.eu
