«Гэта ўзгоднена», – паведаміў карэспандэнту «Белсату» ў Варшаве старшыня Савету Рэспублікі Міхаіл Мясніковіч, пра візіт у сумна вядомую польскую вёску Заляшаны. Мясніковіч цяпер знаходзіцца ў Польшчы з 4-дзённым візітам.
«Гэта адзін з пунктаў», – дадаў Мясніковіч. 14 лютага старшыня верхняй палаты беларускага парламенту наведае Беласток, які знаходзіцца непадалёк ад польска-беларускай мяжы. Візіт Міхаіла Мясніковіча ў Польшчу – першы за доўгія гады візіт беларускага чыноўніка такога рангу. Летась Міхаіл Мясніковіч адмяніў свой візіт у Варшаву.
13 лютага прадстаўнік беларускага парламенту правядзе перамовы з прэзідэнтам Польшчы Анджэем Дудам і прэм’ер-міністрам Матэўшам Маравецкім.
Сёлета ў студзені ў вёсцы Заляшаны прайшла аднадзённая выстава «Нашая памяць» прысвечаная памяці ахвяраў атрадаў Рамуальда Райса (Бурага), забітых 73 гады таму.
ЮВ, belsat.eu