Паводле старых законаў і без міжнародных назіральнікаў. Да чарговых выбараў у Беларусі застаецца роўна тры месяцы. Ужо 10-га снежня распачнецца вылучэнне кандыдатаў на дэпутацтва ў мясцовыя саветы.
За адзін вечар – больш за 130 подпісаў. Сябра Беларускай сацыял-дэмакратычнай партыі (Грамада) Аляксей Сігаеў, які налета плануе вылучацца кандыдатам у мясцовыя саветы па Карбышаўскай акрузе ў Менску, разам з паплечнікамі спрабуе развязаць праблему дваравых праездаў у сталіцы – разбітага асфальту і дарожных ямаў. Сёння маладзён сустрэўся з мясцовымі камунальнікамі, якія паабяцалі зрабіць перад зімою касметычны рамонт дарожных праездаў на вуліцы Каліноўскага.
Пакуль будучыя кандыдаты развязваюць мясцовыя праблемы, праваабаронцы пачалі назіраць за выбарчаю кампаніяй. Усяго ў буйных гарадах сёння працуюць 29 доўгатэрміновых назіральнікаў, да якіх на этапе падліку галасоў далучацца некалькі соцень валанцёраў.
Гэта пытанні фармавання выбарчых камісіяў, датэрміновага галасавання, падліку галасоў і судовых спрэчак. Анансаваных жа раней уладамі зменаў у выбарчым заканадаўстве, як высветлілася, не будзе. Заўвагі міжнародных інстытутаў не былі пачутыя.
Наконт жа таго, што новыя выбары пройдуць паводле старых правілаў, праваабаронцы жартуюць: маўляў, яны ўжо цяпер ведаюць, з чаго пачаць справаздачу пра назіранне. Улады Беларусі мелі час на тое, каб нешта змяніць, але зрабіць гэтага не захацелі.
Віталь Бабін, «Белсат»