Аня – адна з такіх маладых людзей. Дзяўчына паспела папрацаваць у многіх сферах, але сваім прызваннем яна лічыць кулінарыю.
«Я вяду старонку ў інстаграме, спрабую ва ўсялякім выпадку рабіць гэта так прыгожа, з густам. Дзялюся рэцэптамі, паказваю як я гэта раблю, сябе, сваё жыццё», – распавядае Ганна Мікалайчук, жыхарка Менску.
Мара дзяўчыны – распачаць свой кулінарны бізнес. Аня як і шмат яе беларускіх аднагодак не жылі пры іншай палітычнай сістэме. Адназначна салодкім сваё жыццё яна назваць не можа, але пры гэтым грамадска-палітычнай сітуацыяй Аня не цікавіцца.
«Я даўно «забіла» на тое, што ў нас адбываецца ў краіне і неяк стараюсь проста гэтым не цікавіцца. Я лічу, што трэба рабіць сваю справу і спрабаваць у той сферы, у якой ты разумееш рабіць усё, каб мы жылі лепш», – прызнаецца Ганна Мікалайчук, жыхарка Менску.
Тое, што маладыя людзі не цікавяцца палітыкай – агульнаеўрапейскі трэнд, кажа сацыяёлаг Алена Арцёменка. Але агулам грамадства ў Беларусі апалітычнае.
«Паводле апошняга даследвання каштоўнасцяў людзі, якія кажуць, што ім сапраўды важна палітыка, моцна важна, сярод пакалення пасля 95 году парадку 5%, а пакаленне пасля 85 году, на 10 год старэйшы, гэта недзе 13%», – адзначае Алена Арцёменка, сацыёлаг.
Чым менш год, тым менш грамадзяніна цікавіць палітыка. Ці сапраўды гэта так?
«Па шчырасці ўсё роўна. Калі ў Беларусі нармальна жывецца, то нармальна як бы».
«Людзі, якія моцна цікавяцца палітыкай, пачынаюць шмат спрачацца, мне гэта ня блізка».
«Немагчыма жыць у краіне і не цікавіцца палітыкай, проста чалавек, які жыве ў краіне і не цікавіцца ёй, яму мабыць усё роўна ў якой краіне жыць».
З вялікай асцярогаю маладыя людзі разважаюць на палітычныя тэмы.
«Не магу сказаць, што ёсць плюсы нейкія вялікя, але і мінусаў таксама вялікіх няма. Стабільнасць».
«Ва Ўзбекістане яшчэ горш. Ці ў Кіргыстане. У нас прынамсі больш-менш усё стабільна».
Пры гэтым самы высокі ўзровень беспрацоўя менавіта сярод людзей ад 20 да 24 год. За першы квартал гэтага году паводле афіцыйнай статыстыкі яно складала больш за 8 адсоткаў. Але і эканамічная сітуацыя не прымушае маладзёнаў задумывацца пра палітыку.
