Уладзіслаў Раслякоў, які забіў 19 чалавек у політэхнічным каледжы ў Керчы, меў замкнёны характар і выдаліў свой профіль з сацсетак.
У кватэры маладзёна праходзяць вобшукі. Паліцыя мяркуе, што ў яго ёсць схованка са зброяй і выбухоўкай.
Факты, вядомыя пра Уладзіслава Раслякова
- Вучыўся на 4 курсе палітэхнічнага каледжу ў Керчы
- Хадзіў па вучэльні са штык-нажом
- Выдаліўся з сацсетак
- Любіў і цікавіўся маньякамі
- Слухаў гурт «Король и Шут», гуляў у Maincraft
- Праводзіў эксперыменты з выбухоўкай
- Ніколі не хварэў і не спазняўся на заняткі, але ў панядзелак упершыню за ўвесь час не прыйшоў
- Атрымаў дазвол на зброю 12 калібра 8 верасня
- Некалькі дзён таму купіў 150 патронаў
- Бацькі Раслякова ў разводзе. Ён жыў з маці, якая працуе санітаркай у Керчанскім анкалагічным дыспансеры.
- Скончыў жыццё самагубствам, застрэліўшыся на другім паверсе будынку ў бібліятэцы. Падобна загінулі нападнікі на «Колумбайн»
Матывы і версіі нападу вывучаюцца следствам. Паводле інфармацыі з сацсетак, хлопец не любіў выкладчыкаў і хацеў ім адпомсціць. Таксама агучваецца інфармацыя, што ён пайшоў на забойства праз дзяўчыну, з якой сустракаўся пяць месяцаў. Нядаўна яна з ім разышлася.
СК перакваліфікаваў справу з артыкулу пра тэракт на забойства дзвюх і болей асобаў агульнанебяспечным спосабам.
ДР belsat.eu