Выбары-2015. Дзмітрыеў: На акцыю супраць расейская авіябазы Караткевіч ніхто не запрасіў, але мы далучымся

[vc_row][vc_column][vc_video link=”https://www.youtube.com/watch?v=ATWmDfqsZx0&feature=youtu.be”][/vc_column][/vc_row]Чарговая дыскусія перавыдвыбарчых відэадэбатаў на «Белсаце».

Гаворым пра выклікі, якія ўзніклі перад нашай краінай, як яны ўзмацняцца пасля 11 кастрычніка і як дэмакратычныя сілы збіраюцца адказваць на іх.

Мы запрасілі ў студыю лідараў палітычных і грамадскіх рухаў Беларусі:

Анатоль Лябедзька – старшыня Аб’яднанай грамадзянскай партыі;

Андрэй Дзмітрыеў – кіраўнік перавыбарчага штабу Таццяны Караткевіч;

Сяргей Калякін – лідар партыі «Справядлівы свет»;

Віталь Рымашэўскі – сустаршыня «Беларускай хрысціянскай дэмакратыі»;

Ігар Лялькоў – намеснік старшыні Партыі БНФ.

«11 кастрычніка, па сутнасці, улады пакінулі нам толькі адну магчымасць выказаць свой пратэст супраць суцэльнай хлусні, якая адбываецца і на тэлебачанні, і ў прэсе, і, на жаль ужо, нават у асяроддзі апазіцыі. Альбо падтрымаць фарс, які называецца «выбарамі», альбо яго праігнараваць. Дык вось я заклікаю ўсіх неабыякавых людзей Беларусі быць на выбарчых участках толькі ў адной якасці – у якасці незалежнага назіральніка», – заявіў Віталь Рымашэўскі падчас размовы.

Яго падтрымаў і Сяргей Калякін, які пойдзе на выбарчы ўчастак у якасці назіральніка.

«У мяне ўражанне, што многія людзі ўсё ж пойдуць на выбары, але пойдзе іх не вельмі вялікая колькасць. У гарадах будзем мець яўку на мяжы 50 адсоткаў. Пойдуць на выбары не таму, што будуць нешта вырашаць: шмат хто пойдзе па звычцы, таму што проста трэба, каб за іх не прагаласавалі», – заўважыў Сяргей Калякін.

Падчас дыскусіі закранулі і тэму размяшчэння на тэрыторыі Беларусі расейскай вайсковай авіябазы. Ці прыйдзе на пікет супраць базы 4 кастрычніка кандыдатка на прэзідэнцтва Таццяна Караткевіч, запытаўся вядоўца Дзмітрый Гурневіч. На што кіраўнік яе перадвыбарчага штабу Андрэй Дзмітрыеў адказаў:

«Да нас ніхто не звярнуўся, ніхто не запрасіў, але ў Таццяны Караткевіч ёсць пэўны графік, які выбудаваны. Але мы далучымся, я абавязкова прыду».

Цалкам размова – у відэа вышэй.

Перадвыбарчыя дэбаты на «Белсаце» Ч. 1. Якім чынам сёлетнія выбары зменяць нашае жыццё?

Перадвыбарчыя дэбаты на «Белсаце» Ч.3. Беларусь і знешнепалітычная сітуацыя ў рэгіёне

Hавiны