30 анархістаў затрымалі людзі ў цывільным на вуліцы Веры Харужай пасля заканчэння маршу недармаедаў.
Затрыманых павезлі ў Цэнтральны РАУС.
Затрыманні адбываліся брутальна. Анархісты паспелі сесці ў тралейбус № 37, але на наступным прыпынку “Белая вежа” рух тралейбуса перагарадзілі чатыры мікрааўтобусы. З іх выйшлі людзі ў цывільным, уварваліся ў тралейбус і пачалі затрымліваць актывістаў.
Любоў Лунёва, журналістка belsat.eu стала сведкай затрымання. Яна паведамляе, што дзяўчат з тралейбуса хапалі за валасы, цягнулі па асфальце, па бардзюрах. Актывістаў хапалі і запіхвалі, кідалі ў мікрааўтобусы.
Людзі спрабавалі бараніць, прасіць не затрымліваць дзяўчат і хлопцаў. На гэта АМАПаўцы адрэагавалі адбіраннем і біццём мабільных тэлефонаў у тых, хто спрабаваў здымаць жорсткае затрыманне і выкладаць у сеціва.
Милиция без формы бьёт людей в автобусе
Милиция без формы бьёт людей в автобусе
МАКСИМАЛЬНЫЙ РЕТВИТ pic.twitter.com/UWN1nxsl53
— РБ головного мозга (@belamova) 15 марта 2017 г.
Як паведамляе сайт spring96.org, пры затрыманні анархістаў быў выкарыстаны слезацечны газ, ад чаго пацярпелі звычайныя пасажыры.
Перад тым, як сесці ў тралейбус каля McDonalds на плошчы Бангалор, анархісты звярталіся да людзей з просьбай правесці іх. Людзі згадзіліся і ўзяўшыся за рукі правялі іх на прыпынак.
Анархісты ўдзельнічалі ў дазволенай акцыі супраць дэкрэту №3 ў Менску. На пачатку акцыі да іх некалькі разоў падыходзілі міліцыянты ў форме і прасілі зняць маскі. На працягу шэсця за іх групай сачылі людзі ў цывільным з рацыямі. Вядома, што затрыманыя анархісты – удзельнікі групы “Прамень”.
ВЧ, belsat.eu