Opublikowany przez Maxima Filipovicha Poniedziałek, 13 marca 2017
А 20:45 Максіма Філіповіча затрымалі ў бацькоўскай хаце. Паводле інфармацыі ад відэаблогера, яго затрымлівалі з удзелам атрада адмысловага прызначэня.
Месцазнаходжанне затрыманага блогера невядомае. Памочнік дзяжурнага Гомельскага РАУС Васіль Уладзіміравіч Шугалёў паведаміў «Белсату», што інфармацыі пра Філіповіча ў іх няма.
У «Фэйсбуку» каля 20:30 распачалася наўпроставая трансляцыя вядомага блогера Максіма Філіповіча, месца знаходжання якога не было вядомае з пятніцы. На акцыі пратэсту супраць Дэкрэту №3 яго спрабавалі выкрасці невядомыя.
«Праганіце ціхароў»
Блогер заявіў, што за ягонымі бацькамі, якія жывуць у вёсцы Каранёўка на вуліцы Лясной, было выстаўленае вонкавае назіранне. Ад 17-ай гадзіны пад хатай стаяла «Ніва» срэбнага колеру з рэгістрацыйнымі знакамі 7807 ХТ-3 у якой сядзелі двое ў цывільным.
Філіповіч прасіў журналістаў і неабыякавых грамадзянаў пад’ехаць туды, каб прагнаць «ціхароў».
UPDATE. Паводле Філіповіча, а 20:30 «Ніва» зваліла са двара.
«Ціхары глядзяць трансляцыю», – упэўнены блогер.
Блогер прызнаецца, што непакоіцца за ўласнае жыццё ды жыццё і здароўе сваякоў.
Учора Філіповіч выходзіў на сувязь праз стрым, у якім заклікаў беларускія партыі і арганізацыі «забыцца на спрэчкі і аб’яднацца».
Сёння Максіма Філіповіча завочна асудзілі да 13 содняў арышту за ўдзел у гомельскім «Маршы недармаедаў».
Тое, што яго могуць пасадзіць, блогер прадказваў на мінулым тыдні тыдні ў эфіры «Белсату».
